West indies Women team Pakistan main 3 T20 internationals khailnay k liye razamand. jis pay West indies cricket board k chief ka kehna hay k Yeh pakistan main cricket ki bhalai k liye aik ehm qadam ho ga.

west indies Women cricket team 31 January say Pakistan main 3 T20 matches khailay gi, jis k fouran baad West-indies ki team ICC Women’s Championship one-day international series k liye United Arab Emirates rawana ho jai gi.

Pakistan main cricket bahaali k liye boht saari koshishain ki gai, or boht see teams Pakistan main khailnay ki dawat di gai. lekin 2009 main Sri lankan team ki bus pay huay humlay ki waja say team security concerns ki waja say pakistan ka doura karnay say hichkichati rahi.

lekin 2015 Zimababwe ne lahore main 3 odi khailnay ki dawat qabool ki. jis k baad icc ne bh pakistan main cricket bahaal karnay k liye apna kirdaar ada kiya or naam war khilaadiyoun ki team World XI pakistan main bheji.

Iss k ilawa ghuzashta saal pakistan Westindies men's teams ki bh aisay he 3 T20 matches ki numaindgi kar chuka hay. shayd yehi waja hay k West-indies ki women team ka bh pakistan main khailnay ka aitmaad bahaal hua.